Lakbay patungo sa probinsya ng Quezon

April 12,2017.Taon-taon namin ginagawa ang pagbisita sa mga beach sa iba't ibang lugar. Ngayong taon naisipan naming bumisita sa Probinsya ng Quezon sa bayan ng Sariaya para sa aming overnight trip. Umalis kami ng alas-dos ng hapon at bumiyahe ng mahigit limang oras. Maaga sana kami makakapunta ngunit naligaw pa kame dahil medyo liblib ang lugar na aming pupuntahan.

Nakarating kami ng bandang ala-sais ng hapon. Gabi na kaya maikling oras na lamang kame nakapagtampisaw at sa mga panahong yon ay low tide pa kaya kami ay pinabalik na sa among cottage upang maghanda para sa hapunan at upang matulog. 

April 13,2017. Kinabukasan, nagising kami ng maaga upang sulitin na ang mga oras. Nagtampisaw kami habang hindi pa masyadong sumisikat ang araw. 

In-enjoy lang namin ang pagtatampisaw habang maaga pa sa kadahilanang wala pang masyadong tao at kami- kami pa lamang ang nandito.

Nang sumikat na ang araw lalo pa naming nasilayan ang kagandahan ng kalikasan. Makikita mo ang mga langit na para bang magkadikit sila ng dagat at ang ulap na sobrang puti na tila ba ay bulak. Tyaka na namin na napagpasyahan na magpipinsan na mag-swimming at tuklasin ang ganda ng aming napuntahan.

Napagkatuwaan pa namin na ilubog ang aking kuya sa buhangin

Mga bandang 10 am naisipan namin nasumakay ng bangka upang makapaunta sa malalim lalim na lugar upang makakita ng maraming isda.

Habang papalayo nakita namin yung mga matataas at malalagong mga puno at hindi mo aakalain na mayroon palang mga resorts sa likod ng mga nagtatayugang mga punong ito.

Spotted ang isang kulay blue na Jellyfish 

Na-enjoy talaga namin ang paglangoy dahil nakakita kami ng maraming isda at mga corals . May mga nakita kameng grupo ng mga isda na naghahabulan at mga isdang nagtatalunan sa tubig na tila nagpapansin sa mga tao. Nakakatuwang pagmasdan ang mga isda na palangoy langoy lamang sa dagat.

Matapos ang kalahating oras naming panonood sa mga isda ay naisipan na naming bumalik upang maghanda sa tanghalian. Pagkatapos mananghalian ay ipinagpatuloy pa namin ang pagswi-swimming. 

Bukod sa may beach ang resort na ito meron din silang swimming pool. Dito kami nag-swimming pagkatapos namin na sumakay sa bangka. Mas marami tao ang nagswiswimming sa swimming pool kaysa sa beach.

Mga bandang alas-kwatro ng hapon ay nagsimula na kaming magligpit at mag impake ng aming mga gamit upang maghanda sa pag-uwi. Sobra namin na-enjoy ang pagpunta namin dito sa probinsya ng Quezon. Nakauwi kami ng Cavite ng bandang 9 ng gabi. Sa tuwing kami ay maglalakbay saan man lugar pagod ang katawan puno naman ang kasiyahan dahil kami ay sama-sama.